لمغربي ...
سر بهاك منك وفيك
مهيوب والعز مواتيك
همة وشان ما شاء الله عليك
النخوة من جد لجد تحليك
صايل وجايل بنضالك
بالعلم مسلح والدين فضالك
أصيل والرجلة خصالك
عربي وشلح ما كاين بحالك
التاريخ راه يحييك
طارق بن زياد من امثالك
مغربي ولمواسم غرامك
لحركات مسربة تعلي مقامك
ولد بلادي الوقت ديالك
المغرب كلو يفخر بيك
والعالم كلو يشهد ليك
بقلمي
فوزية بعبوع النجار 26 فبراير 2017
Aucun commentaire:
Enregistrer un commentaire