اللهم قينا واصرف عنا كيد الكائدين وحقد الحاسدين لهدا الوطن الغالي واحفظ بلادنا وانصر ملكنا
علاش تقيس بلادي
زينة هي بلادي زينة
ناسها كرام قرية ومدينة
هي بلادي زينة حسادها كتار
منها غاروا شحال من أقطار
ديك لبلاد علاش زينة ما فيها عار
لحسد والغيرة عمات ليهم لبصار
بالله يا الغافل علاش تقتل لرواح
بالله يا الغافل كيف تنعس وترتاح
تسبب لعذاب مساء وصباح
فيد بلادك بالخير والاصلاح
واش قتل الروح عندك حلال
تحرم وتحلل شحال وشحال
علامن عار دوك الأطفال
اليتامى شكون ليهم عوال
عايش وحدك أولا من فيك يتيق
لا اخوت ولا احباب ولا ارفيق
تغدر ناسك تبغي ليهم لفراق
اتخون الأمانة ويبان النفاق
علاش تقيس لبلاد وتادي الانسان
هما من سنين عايشين في أمان
السلم والسلام عادتهم من زمان
كلمات الزجال
لحسن بوعاد
Aucun commentaire:
Enregistrer un commentaire