الطاجين مسروق بقلم الشاعر المتالق احمد امخلوفن

الطَّاجِينْ مسْرُوقْ       :

كَدْعرْفُو سِّي مَرْزُوقْ
كِيفْ كَانْ عٓايشْ لْفُوقْ
وهْبطْ عَنْدنَا لْتَحْتْ
ؤُيسْتَقرْ فبْلَادْ الرّشُوقْ
مْشَى شِي نْهَارْ للسُّوقْ
شْرَا طَاجِينْ ؤُكِيلُو قُوقْ
وصَّى الْمْرَا تْوجْدُو
بْغَاتْ الْمْرَا بَاشْ الدُّوقْ
جبْرَتْ الطَّاجِينْ محْروقْ
وَخّٓ كٓانْ زَايدْ مْرَاقْ
حِيتْ الطّاجِين مشْقُوقْ
ؤُحِينْ جَا السِّي مرزُوقْ
ؤُبْغَا يَاكُولْ اللحَمْ بالْقُوقْ
كٓانْ الطَّاجِينْ مْلوّي فْلخْرُوقْ
ؤُسْطَلْ عْلِيهْ مغْلُوقْ
ؤُالْمْرَا فْيدَّا الْبُوقْ
الرّاجلْ مسْكِينْ صْمكْ
قٓالْتْلُو رْجٓعْ للسُّوقْ
ؤُفْتشْ عْلََى الْملْعُوقْ
رٓاهْ الطَّاجِينْ مسْرُوقْ
جِيبْ يمَّاهْ مسْحُوقْ
ؤُحْشِيهْ فْشِي صنْدُوقْ
هَادِي بْلَادْ الْحُقُوقْ
ؤُنْقُولُو مٓاتْ مشْنُوقْ

أحمد أمخلوفن