على صوت السواقي........ محمد ابو الفتح
على صوت السواقي وقفت أدندن وأغني
بإيدي فاسي وانادي كريـم يقويني ويـعني
بدراعي أزرع رغيفي ولاخـسـيس يهـني
ده رغيف الذل عمـره في يوم ما شبعني
وبحسب مزاجه يوم يجـوعني ويحرمني
ولا اقدر ارفع راسي ولو بأمـي يشتـمنى
دي الحـوجة مُرة وهو بالجوع يعـايرني
يا اهل مصر مـين بدراعه هـنا يزامـلنى
الايد في الايد حديد ومـين فيكم يـراهني
حرجع من تاني ولا يوم اللقـمة تشـغلني
أروي زرعتي بــعرقي وربي حيـكرمني
واشد حيلي وارد جميل كل اللي جــاملني
انا في شدتي عرفت مين شامت ومين مني
وياللي فاكر انك بالجوع فـيوم حـتهـزمني
اصحى وفوق حتعرف ازاي بكرة تكلمني
محمد ابو الفتح
Aucun commentaire:
Enregistrer un commentaire