مجلة ملتقى الشعراء والأدباء // اصدق مافيك ضحكت عينيك// بقلم الشاعر المتالق ناصر عبد المقصود

أصدق مــا فيكِ ضحكت عينيكِ
أعشق شفــايفى يوم ما تناديكِ
وأتمنى أصـحى من النوم ألاقى
نفس اشتياقك هــــــو اشتياقى
والحب يفضــــل بالكلمة باقى
وأفضل معــــــاكِ والعمـر ليك
يا أحـــــلى غنوة غنـاها قـلبى
يا أحلى كلمة زارت شفـــايفى
هأفضل أحبك ولا يوم هـأخبى
وهأعيش حياتى ما بين واديكِ
قومى لوصــــــالى يالله تعالى
من قبل حبك وأنا قلبى خــالى
أتمنى قربك طال انتظــــــارى
كل أما أقـــــرب ضحكة عينيكِ
بتخلى قلبى ملــــــهوف عليك
يا أحلى دنيا عاشت معــــــايا
لو مرة صورتك جت فى المرايا
ألقانى بضحك والشوق هــوايا
من غير ما أفكر أمســك أيديكِ
وأرجع أغنى وده غصب عنى
وأســـرح فى دنيا فيها التمنى
بعشـــــق ملامحك يا حتة منى
يا بدر ســـاطع مين هايداريكِ
كل المشاعر لــــو كنت شاعر
مخلوقة أصلاً فى الكون ده ليكِ
أصدق مــا فيكِ ضحكت عينيكِ
أعشق شفــايفى يوم ما تناديكِ
الشاعر / ناصر عبد المقصود