هو انت كده حبيت
احمد صبري
-
هو انت كده حبيت
وخلصت الحكاية
ولا انت كده غنيت
وانا حبيت الغنواية
هو انت كده مرتاح
وانت ساقيني الجراح
ولا انت حلم وراح
وهي دي النهاية
-
اخرتها عشان صدقتك
ودخلتك حياتي
اديتك قلبي عشقتك
ومديت الايادي
ضمتني بشوق حضنتك
ولا دا كله عادي
في القلب انا سكنتك
وهان عليك بعادي
-
هو انت كده حبيت
هو انت كده متهني
كده بسهولة استغنيت
وقدرت تبعد عني
كتر خيرك اصيل
وعرفت عليا تغني
كومبارس ف التمثيل
شبهك واخدك مني
-
هو انت كده غدار
والخاين اولى بيك
على ايه انا محتار
وليه هاندم عليك
حبيتك وانت نسيت
والحب خسارة فيك
هو انت كده حبيت
الله يساهلها ليك
Aucun commentaire:
Enregistrer un commentaire