وصلني الأجال
ضلامت عليا دنيا وضياق لحال
ركابي ماتو وحمل لكسدة تقال
جلست دقايق معدودة نرتاح
نسترجع نفس ونهدن لجراح
حسيت بلي جاني الأجال
ومنزيد حتى دقيقة محال
سمعت صوت من لبعيد كيناديني
هزيت راسي وشفت ملاك لموت جاي قاصدني
فكرت فشحال وشحال
من زلة ومعصية
والإيمان لي فقلبي قلال
فكرت فذنوبي لي فاتت
فكرت فوقتي ظيعتو غير هبال
وترجيت ملاك لموت إيزيدني غير ساعة
على عمري لي دوزتو بلا نفاعة
نصلي لله ونطلب الشفاعة
نودع دنيا الخداعة
شاف فيا ومهدر منطق
و بسرعة البرق
جبد روح من لحلق
وغاب كيف السحاب
طلع روح نمولاها
وبقات غير لكسدة طايحة على تراب
فرمشت عين دوروها ناس غراب
مافيهم صاحب ولا حد من لحباب
وهنا تسالات القصة
أنا راه مت وتسد عليا لباب
الرهوني إسماعيل
Aucun commentaire:
Enregistrer un commentaire