ياام الضفاير ذهب والوجه فيه انوار
خليتى عقلى ذهب والفكر فيكى احتار
حلوه وكلك ادب شغلانى ليل ونهار
حتى فى وقت الغضب فيكى الحنان اسرار
البسمه فيها العجب تشعل فى قلبى نار
والهمس فيه الطرب صوتك ملان ابهار
عشقتك يابنت العرب والقلب ليكى اختار
مين فى الجمال والنسب مثلك يازينه الدار
والعشق لما وجب وغلبت م الافكار
ونصيبى لما انكتب مالقيت لحبى فرار
وقلبى اليكى انتسب واصبح فى ايدى قرار
ونظرى اليكى انجذب مش هاقبل الاعذار
مالكيش لرفضى سبب انتى قيثاره حياتى واناعازف على الاوتار
شعر احمد اسماعيل \شاعر العرب
Aucun commentaire:
Enregistrer un commentaire