وانت معايا
وانت معايا الاقى الجو متعطر
وفرح الدنيا جوايا متزوق بلون اخضر
ونسمه شوق تطوحنى وترمينى فى احضانك
وبسمه رقيقه تفرحنى واتلهف على حنانك
بتسعدنى ماتجرحنى وطيفى معاك فى وجدانك
معاك انسى الجمال كله جمالك عندى يكفينى
يابستان ورد مع فله بين الاغصان دفينى
فؤادى سعيد مع خله وغير حبك مايكفينى
ده انا روحى تذوب فيكى ياروح القلب وعيونه
احب الرمشه فى عينيكى ياحيره قلبى فى ظنونه
كأن الحب فى ايديكى بيتلاعب بمجنونه
ماليش غيرك حبيب تانى زهد قلبى النساء بعدك
معاكى بأحس بأمانى وادمنت خلاص شهدك
يادنيا كلها اغانى راح اقطف زهره من وردك
ولا هاتعب ولا هاعانى وكيف اتعب وانا مرسوم على خدك
شعر\ راقيه المشاعر
Aucun commentaire:
Enregistrer un commentaire