مگواني
طلت عليا من فوق
طالقة سوالفها
غمزاتني وتبسمات
بغرامها ضرباتني
بيني وبينها بوق
يربط همسي بودنها
لهبتني بجمرات
خدودها وكواتني
انتي امولات الدوق
ريحتك باغي نشمها
ماوصلتني نشوات
مافرحتني وبلاتني
بخيالك سكنتي العروق
وهواك جرى بدمها
جرحاتني دمعات
من الشوق وعماتني
عرشك فالسما مرشوق
النجوم تبايعك بنورها
وانا مگواني بعيطات
غيواني اشداني
مقامك رشوق معشوق
ولياليك يامحلى احلامها
بعدك مني مسافات
ياگمرة ولا تنساني
Aucun commentaire:
Enregistrer un commentaire