على جناح الحمام
على جناح الحمام جايلك
على كفوف الغرام شايلك
واصبر نفسى فى الاحلام واحايلك
مسكت بايدى نجم الليل ومش طايلك
هاجيلك فوق بساط الريح وافرش ورد فى دارى
ونسمه بتنشد التفاريح وشوق فى القلب متدارى
وبلبل فى الفضا بيصيح بيشجى ليلى ونهارى
وضوء خافت من المصابيح بيشعل فى الهوى نارى
هاجيلك فوق مراكب الشوق واكون بحار على سفينتك
وامواجى تشيلك فوق ترسينى على مدينتك
وبستان فيه رقى وذوق رماه الشوق على جنينتك
صباح وردى وكله شروق بيصبح على عيونك وياسمينتك
شعر احمد اسماعيل \شاعر العرب
Aucun commentaire:
Enregistrer un commentaire