اهدي لكل شاعر. وفنان. قطعة. بعنوان
. مغرومة.
مغرومة. يا قلبي مغرومة
في واحد ماشي من الحومة
سمعت عليه كلام و لومة
بالله واش الحب حشومة
لاموني ولامو الغرام
قالو حشومة. وحرام
واش القلب يشاور
ساعة يعشق ويغامر
لانار. زاندة. يخاف
ولاحفاري ومطامر
بالغرام للكل يتحدى
يقاوم و ليهم. يتصدى
هدا حال المغروم
كل ليلة . و . يوم
يسمع كلام و لوم
من ناس منو محرومة
عايشين عيشة مهمومة
مغرومةوعلاش نعيش محرومة
العمر. غادي فاني
حرام تضيع الفرصة ثاني
واخا الغير. ما هناني
حلاوة الغرام حلاوة
القلب بها يتداوى
مغرومة انا مغرومة
كلمات الزجال لحسن بوعاد
القطعة من ديوان واقع وخيال
مودتي وتحيات
Aucun commentaire:
Enregistrer un commentaire